გერმანიაში მმართველი კოალიციის დაშლის შემდეგ, კანცელარიის სახელმწიფო მდივანი იორგ კუკისი გერმანიის ფინანსთა მინისტრის პოსტზე კრისტიან ლინდნერს შეცვლის. ამის შესახებ, POLITICO-ს ინფორმაციით, საზოგადოებრივი მაუწყებელი ARD და რამდენიმე სხვა გერმანული გამოცემა იტყობინება.

კუკისი განიხილება, როგორც კანცლერ ოლაფ შოლცის ერთ-ერთი უახლოესი მრჩეველი და კარგადაა ცნობილი ბრიუსელში. მისი ცნობადობა 2018-2021 წლებში ფინანსური ბაზრის პოლიტიკისა და ევროპული პოლიტიკის საკითხებში სახელმწიფო მდივნის პოზიციაზე ყოფნამ განაპირობა. მანამდე კი კუკისი აშშ-ს საინვესტიციო ბანკ Goldman Sachs-ში მუშაობდა.

გერმანიის მმართველი კოალიცია მას შემდეგ დაიშალა, რაც შოლცმა ფინანსთა მინისტრი, კრისტიან ლინდნერი თანამდებობიდან გაათავისუფლა. შოლცმა მინისტრი ეკონომიკურ რეფორმებთან დაკავშირებული უთანხმოების გამო გაათავისუფლა და აღნიშნა, რომ მინისტრმა კანონები არასათანადოდ არაერთხელ დაბლოკა.

POLITICO წერს, რომ შოლცი სოციალ-დემოკრატებთან და მწვანეებთან ერთად უმცირესობის მთავრობას უხელმძღვანელებს, თუმცა, სავარაუდოდ, მისი მთავრობა 15 იანვარს ნდობის გამოცხადების პრობლემის წინაშე აღმოჩნდება.