სომეხი საგარეო საქმეთა სამინისტროს მოადგილე პარუირ ჰოვჰანისიანმა ჟურნალისტებთან განაცხადა, რომ ევროკავშირში აზერბაიჯანის ელჩმა ვაგიფ სადიგოვმა სომეხ ელჩს ტიგრან ბალაიანს დაემუქრა. შემთხვევა ბრიუსელში თურქეთის საელჩოში გამართულ მიღებაზე მოხდა.

ამასთან, ჰოვსანმა თქვა, რომ ამ ინციდენტის შესახებ სომხეთმა ბელგიას და ევროკავშირს შეატყობინა და გამოძიება მიმდინარეობს.

POLITICO-მ ორშაბათს ამავე თემაზე სტატია გამოაქვეყნა სადაც წერია, რომ ბრიუსელში, სასტუმრო Talga-ში ჩატარებულ წვეულებაზე, რომელიც თურქეთის ეროვნულ დღეს უკავშირდებოდა, ნამდვილად ჰქონდა ჩხუბს ადგილი.

მედია წერს, რომ სომხეთის საელჩომ ბრიუსელის დიპლომატიურ მისიებთან პროტესტის გამომხატველი წერილი გააგზავნა. სადაც ნათქვამია, რომ სადიგოვი მათ ელჩს სიტყვიერად დაესხა თავს, დააშინა და ადგილი ჰქონდა მუქარას, რომელიც ელჩის სიცოცხლეს ეხებოდა.

ბალაიანმა, POLITICO-სთან საუბრისას დაშინების ფაქტი უარყო და დასძინა, რომ ბრალდებები უკვე სასაცილოა, თურქეთის საელჩოს მიღებაზე კი თქვა, რომ ეს იყო სტანდარტული დიპლომატიური ღონისძიება.

"მე არ ვცნობ არცერთ ამ წერილსა და ბრალდებას — სომეხ დიპლომატებს შეუძლიათ ამტკიცონ ის, რაც უნდათ", — უთხრა მან პოლიტიკოს

OC-media-მ ამ ინციდენტთან დაკავშირებით აზერბაიჯანის საგარეო საქმეთა სამინისტროს პრესსპიკერთან გასაუბრება სცადა, თუმცა მან დამატებითი დეტალების მიწოდებაზე უარი განაცხადა და დასძინა, რომ სადიგოვმა POLITICO-სთან ინტერვიუში თქვა, რომ ჩხუბს ადგილი არ ჰქონია.

"ჩვენ არ გვაქვს სხვა კომენტარი", — თქვა ჰაჯიზდამ.

POLITICO-ზე დაყრდნობით, მთიანი ყარაბაღის 2020 წლის ომის შემდეგ, სომხეთი არ ყოფილა დაპატიჟებული ანკარის მიერ დაფინანსებულ ღონისძიებებზე.

სადიგოვი მანამდეც იყო დადანაშაულებული ევროპარლამენტარებზე მუქარაში. ამის პარალელურად, სადიგოვმა სოციალურ ქსელში, აზერბაიჯანული წარმოების სნაიპერული შაშხანის სურათი გამოაქვეყნა შემდეგ წარწერით:

"მათ იციან რას აკეთებენ საკუთარი თავის დასაცავად. აზერბაიჯანში წარმოებული ანტიმატერიული სნაიპერული შაშხანის Istiglal IST-14.5 ეფექტური სროლის მანძილი დაახლოებით 3000 მ-ია. ბიჭებო, მოერიდეთ აზერბაიჯანის სახელმწიფო საზღვარს...", — წერს სადიგოვი.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.