საქართველოში არსებულ პოლიტიკურ ვითარებაზე ერთობლივ განცხადებას ავრცელებენ საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი და პოლონეთის პრემიერმინისტრი დონალდ ტუსკი.

სამი ქვეყნის ლიდერი ერთობლივ განცხადებაში წერს, რომ ისინი საქართველოს ევროკავშირში გაწევრიანებაზე დიალოგის დაწყებას ვერ დაუჭერენ მხარს, თუკი ქვეყანაში რეფორმები არ ჩატარდება.

"სანამ საქართველო არ შეცვლის მიმდინარე გეზს და არ აჩვენებს ძალისხმევას, ხელშესახები რეფორმების [გატარების] მხრივ, კონკრეტულად, ბოლოს მიღებული კანონმდებლობის უკან გაწვევით, რომელიც ეწინააღმდეგება ევროპულ ღირებულებებსა და პრინციპებს, ჩვენ არ ვიქნებით საქართველოსთან [ევროკავშირში] გაწევრიანების მოლაპარაკებების დაწყების მხარდამჭერები", — აცხადებენ საფრანგეთის, გერმანიისა და პოლონეთის ლიდერები.