ქარდი ბიმ სოციალურ ქსელში ვიდეო გააზიარა, შემდეგ კი — დაუყოვნებლივ წაშალა. ვიდეო ვადამდელი არჩევნების შედეგებს ეხებოდა. რეპერმა, სახეზე დამახინჯებული ფილტრით, ხალხს მიმართა.

"აი, ამიტომ გატყდებათ თავს ქარიშხლები" — ამბობს მომღერალი ვიდეოში

მიუხედავად იმისა, რომ ქარდი ბის ქარიშხლით დაზარალებულ შტატებში მცხოვრები ამომრჩევლებისთვის პირდაპირ არ მიუმართავს, Associated Press-მა მის პოსტამდე ცოტა ხნით ადრე გამოაცხადა შედეგები ფლორიდაში, ლუიზიანაში, ტეხასსა და ჩრდილოეთ კაროლინაში, სადაც ტრამპმა გაიმარჯვა. რეპერმა ასევე დაწერა ტვიტერზე, "ჩვენ გვჭირდება სეტყვა მერი", რადგან წინასწარმა შედეგებმა აჩვენა, რომ კამალა ჰარისი ტრამპთან სხვა საკვანძო შტატებშიც მარცხდებოდა.

ცნობისთვის, რეპერი კამალა ჰარისს აქტიურად უჭერდა მხარს და მხარდამჭერი კამპანიის ფარგლებში, სიტყვითაც გამოვიდა.

"კამალა ჰარისის მსგავსად მეც ვიყავი აუტსაიდერი, დაუფასებელი, ჩემი წარმატება, დისკრედიტებული და დამცირებული. ქალებს გვიწევს ათჯერ მეტი ვიმუშაოთ, ათჯერ უკეთ წარმოვაჩინოთ თავი და ბოლოს ხალხი მაინც ეჭვქვეშ აყენებს ჩვენს წარმატებას." — მიმართა რეპერმა კამალას მხარდამჭერ კამპანიაზე ხალხს

X-ის აღმასრულებელმა დირექტორმა ილონ მასკმა, რომელიც ტრამპის აქტიური მხარდამჭერია, საკუთარ გვერდზე გამოაქვეყნა ვიდეო, რომელშიც ქარდი ბი კამალას მხარდამჭერ ტექსტს მობილურიდან კითხულობს და რეპერი გააკრიტიკა.

"კიდევ ერთი თოჯინა, რომელსაც დაწერილი სიტყვის გარეშე ლაპარაკი არ შეუძლია. კამალას კამპანიას არ აქვს ავთენტურობა და გულწრფელი თანაგრძნობა." — წერს მასკი

მომღერალმა პასუხი არ დააგვიანა:

"მე არ ვარ თოჯინა ილონ... მე ორი ემიგრანტის შვილი ვარ, რომლებსაც მძიმე შრომა უწევდათ, რომ ოჯახი ერჩინათ. მე ვარ მე-8 ნაწილის პროდუქტი, მე ვარ სიღარიბის პროდუქტი და მე ვარ პროდუქტი იმისა, თუ რა ხდება, როდესაც სისტემა შენს წინააღმდეგაა მომართული… მაგრამ შენ არაფერი იცი ამის შესახებ, შენ არაფერი იცი ამერიკული ტანჯვის შესახებ...პ.ს. ჩემი ალგორითმი გაასწორე" — წერს რეპერი X-ზე