"არ გვეშინია" - იძახდა ესპანელი ხალხი, მას შემდეგ, რაც გუშინ ბარსელონაში მომხდარ ტერაქტში დაღუპულებს წუთიერი დუმილი მიაგეს.

17 აგვისტოს თეთრი მიკროავტობუსი ბარსელონაში ტურისტებით დატვირთულ ქუჩაზე შევარდა. ბარსელონას ტერაქტიდან რამდენიმე საათში, მეორე თავდასხმა ქალაქ კამბრილსში მოხდა, სადაც ხალხში ფურგონი შევარდა. პოლიციამ ორივე ტერაქტი ერთმანეთს დაუკავშირა.

ცოტა ხნის წინ, კამბრილსში მომხდარ ტერაქტში დაშავებული ადამიანებიდან ერთი პირი გარდაიცვალა, რამაც ესპანეთში გუშინ მომხდარ ტერაქტებში დაღუპულთა რიცხვი 14-მდე გაზარდა. დაშავებულების რაოდენობა 100-ზე მეტია.

BBC-ის ცნობით, პოლიციამ ცოტა ხნის წინ ერთ-ერთი მთავარი ეჭვმიტანილი დააკავა.