რეკორდული წყალდიდობიდან 3 დღის შემდეგ, ესპანეთში დაღუპულთა რიცხვმა 205-ს მიაღწია. მათგან 203 ვალენსიის მკვიდრი იყო.

სამაშველო სამსახურების მუშაობას ქუჩაში მოგროვილი დაზიანებული ავტომობილები და სხვადასხვა ტიპის ნარჩენები აფერხებს. დასახლებების ნაწილს არ მიეწოდება ელექტროენერგია და წყალი. წყალდიდობა ესპანეთის ისტორიაში აღწერილი ყველაზე მომაკვდინებელი ბუნებრივი კატასტროფა გახდა.

სტიქიამ 28 წლის ასაკში ესპანელი ფეხბურთელი, ხოსე კასტილეხო შეიწირა, რომელიც სხვადასხვა დროს საფეხბურთო კლუბ "ვალენსიის" აკადემიაში და არაერთ სხვა ესპანურ გუნდში თამაშობდა.