ევროკომისია, ხვალ, 30 ოქტომბერს, გაფართოების შესახებ ანგარიშს გამოაქვეყნებს - ამის შესახებ გამოცემა ნეტგაზეთი წერს და განმარტავს, რომ ამის შესახებ ინფორმაცია ევროკომისიაში დაუდასტურეს.

აღნიშნული ანგარიში შეაფასებს ასრულებს თუ არა საქართველო ბრიუსელის 9 რეკომენდაციას და, შესაბამისად, იმსახურებს თუ არა ის ევროინტეგრაციის პროცესის გაგრძელებას.

"დიახ, ხვალ ველოდებით გაფართოების პაკეტის პრეზენტაციას, რომელიც მოიცავს ათივე ქვეყანას, საქართველოს ჩათვლით", — მისწერეს ნეტგაზეთს ევროკომისიიდან.