საქართველო არის კონსერვატიული, ქრისტიანული და პროევროპული სახელმწიფო. უსარგებლო ლექციების ნაცვლად, მათ ევროპულ გზაზე ჩვენი მხარდაჭერა სჭირდებათ, — უნგრეთის პრემიერმინისტრი, ვიქტორ ორბანი საქართველოში ვიზიტის შესახებ X-ზე წერს.

"საქართველოში ოფიციალური ვიზიტი არჩევნების შემდეგ. საქართველო არის კონსერვატიული, ქრისტიანული და პროევროპული სახელმწიფო. უსარგებლო ლექციების ნაცვლად, მათ ევროპულ გზაზე ჩვენი მხარდაჭერა სჭირდებათ", — აღნიშნა ორბანმა.

ორბანი ერთ-ერთ პირველი იყო, ვინც პრემიერმინისტრ ირაკლი კობახიძეს საპარლამენტო არჩევნებში მმართველი პარტიის გამარჯვება მიულოცა. ის საქართველოში ოფიციალური ვიზიტით 28 ოქტომბერს ჩამოვიდა.

29 ოქტომბერს საქართველოს მთავრობის ადმინისტრაციაში პრემიერ-მინისტრ ორბანის დახვედრის ოფიციალური ცერემონია გაიმართება. შედგება საქართველოსა და უნგრეთის პრემიერ-მინისტრების შეხვედრები პირისპირ და გაფართოებულ ფორმატში, რის შემდეგაც ირაკლი კობახიძე და ვიქტორ ორბანი მედიისთვის ერთობლივ განცხადებებს გააკეთებენ.