საქართველოში მიმდინარე მოვლენებს კულტურის არაერთი წარმომადგენელი გამოეხმაურა და 26 ოქტომბრის არჩევნების შესახებ განცხადება გააკეთა. მათ შორისაა, სამეფო უბნის თეატრის რეჟისორი, დათა თავაძეც. დღეს, 19:00სთ-ზე კი რუსთაველის გამზირზე აქცია გაიმართება.

"არა მგონია, ახლა ჩვენს მხარეს ერთმანეთისთვის თმების წიწკნის დრო იყოს: ვინ სად იყო და რას აკეთებდა ყველამ ვიცით, ასეთი მსჯელობით მხოლოდ ლეგიტიმაციას მივცემთ იმ რეზულტატს, რომელიც დაიწერა ქართულმა ლუკაშენკომ, — მთავარია გუშინ რა გავაკეთეთ არჩევნებზე და ის ფაქტი, რომ ხმები მოგვპარეს ამ ქვეყანაში კეთილდღეობისა და განვითარების იმედთან ერთად. არც იფიქროთ, რომ რამე დავაკელით პროცესებს, ან რამე ჩვენი ბრალია - ჩვენ რომ ტირანიულ რეჟიმში არ ვცხოვრობდეთ, დღეს ხალხის გამარჯვებას ვიზეიმებდით!
ჩვენი ერთადერთი "დანაშაული" ჩვენი გულუბრყვილობაა, თუ გუშინდელ დღემდე ჯერ კიდევ გვეგონა, რომ მთლად ლუკაშენკოს რეჟიმში არ გვიცხოვრია, და ჯერ კიდევ არსებობდა რაღაც, მაგალითად არჩევნები, რასაც ივანიშვილი თავისი ფინანსური მაქინაციებივით ვერ მოიხელთებდა! დამთავრდა! "ქართულმა ოცნებამ" ბოლომდე გაიფორმა თავი, როგორც დიქტატურამ და ახლა მართლა ერთმანეთის დაცვის დროა!
ახლა, ახლავე (!) მართლა ძალიან ბევრნი უნდა ვიყოთ, რადგან ვიდრე ჩვენ, გაოგნებულები და ბრაზისგან გაშეშებულები ვართ, ისინი იმოქმედებენ სწრაფად და დაუნდობლად…" — წერს დათა თავაძე სოციალურ ქსელში