საქართველოს არჩევნების შედეგების აშკარა გაყალბება შეუძლებელს ხდის მათი ლეგიტიმურობის აღიარებას, — ამის შესახებ სოციალურ ქსელში ესტონეთის პარლამენტის საგარეო საქმეთა კომიტეტის თავმჯდომარე, მარკო მიჰკელსონი წერს.

"საქართველოს არჩევნების შედეგების აშკარა გაყალბება შეუძლებელს ხდის მათი ლეგიტიმურობის აღიარებას. არჩევნების გაყალბებით არ შეიძლება ევროკავშირში გაწევრიანება, მაგრამ შეიძლება დაბრუნება რუსეთის წიაღში", – წერს მარკო მიჰკელსონი X-ზე.

მარკო მიჰკელსონის განცხადებასთან დაკავშირებით დაუსვეს კითხვა საქართველოს პრემიერმინისტრ, ირაკლი კობახიძეს დღეს გამართულ ბრიფინგზე, კობახიძემ ჟურნალისტს ასე უპასუხა:

"ჩვენ მტკიცებულებებზე დაყრდნობით უნდა გვითხრან რა პრეტენზიები აქვთ. ესტონეთის საგარეო კომიტეტის თავმჯდომარემ რაღაცა თქვა, მაგით ნუ დაიმშვიდებთ თავს", — თქვა კობახიძემ.