გარემოს ეროვნული სააგენტოს მონაცემებით, აგვისტოში ჰაერის ტემპერატურის აბსოლუტური მაქსიმუმი დასავლეთ საქართველოში დაფიქსირდა ქუთაისში +40,4 გრადუსი, ხოლო აღმოსავლეთში, თბილისში +39,8 გრადუსი.

სააგენტოს ცნობით, ივლისის თვეში, ჰაერის ტემპერატურის აბსოლუტური მაქსიმუმი დასავლეთ საქართველოში ზესტაფონში +39,7 გრადუსი, ხოლო აღმოსავლეთში - ლაგოდეხში +39 გრადუსი დაფიქსირდა.

2017 წლის ივლისის თვეში საშუალო ტემპერატურა საქართველოს მთელს ტერიტორიაზე აღინიშნა ნორმაზე 1-2,5 გრადუსით მაღალი, რაც განპირობებული იყო თვის პირველ დეკადაში საქართველოს ტერიტორიაზე ევროპის სამხრეთი და ცენტრალური რაიონებიდან თბური ტალღის გავრცელებით.

თბილისში, 1881 წლიდან დღემდე 2017 წლის ივლისი სითბოს მიხედვით იყო მეოთხე 2000, 1882 და 2010 წლების შემდეგ. თვის საშუალო ტემპერატურამ +26,7 გრადუსი შეადგინა.