გახარია — საქართველოსთვის ლიდერმა და ყოფილმა პრემიერმინისტრმა გიორგი გახარიამ, დღევანდელ ბრიფინგზე პასუხი გასცა და "სასოწარკვეთილ და შეშინებულად" მოიხსენია ოცნების საპატიო თავმჯდომარე ბიძინა ივანიშვილი, რომელმაც იგი "გარეწრად" მოიხსენია და დაემუქრა.

ყოფილმა პრემიერმა სოლიდარობა გამოუცხადა პარტიის იმ წევრებსაც, რომლებსაც ივანიშვილი გასამართლებით დაემუქრა.

ყოფილმა პრემიერმა სოლიდარობა გამოუცხადა პარტიის იმ წევრებს, რომლებსაც ივანიშვილი გასამართლებით დაემუქრა და დასძინა, რომ მის "ადეკვატურობაში ყველას ეჭვი ეპარება".

გახარიას მტკიცებით, ივანიშვილმა გუშინდელ ინტერვიუში დაამტკიცა, რომ "სიძულვილის კამპანიის ავტორია".

საქართველოსთვის ლიდერის თქმით, მმართველი პარტიის საპატიო თავმჯდომარე მთელი ამ პერიოდის განმავლობაში, მისი ფულის დასაბრუნებლად დასავლეთთან ვაჭრობდა.

"გულწრფელად მინდა გითხრათ, რომ ეს არ არის ივანიშვილის პირველი მუქარა, ეს არ არის ივანიშვილის პირველი შანტაჟი, რომელიც მომართული იყო ჩემს წინააღმდეგ.

მუქარა არ არის პირველი, მაგრამ პირველი რაც მოხდა ეს არის, რომ გამოვიდა და საჯაროდ იმუქრება სისხლის სამართლის საქმეებით და დაჭერებით. რაც მთავარია, ემუქრება ჩემი გუნდის, კეთილსინდისიერი საჯარო მოხელეების წარმომადგენლებს.

აბსოლუტურად ღიად, თითოეულ ჩვენს წევრს მინდა გამოვუცხადო მხარდაჭერა და ვუთხრა მათ, რომ ისეთი სასოწარკვეთილი და შეშინებული ადამიანები, როგორიცაა ბიძინა ივანიშვილი, რომლის ადეკვატურობაშიც მარტო მე კი არა, საქართველოს მოქალაქეებსაც უკვე ეჭვი ეპარებათ, ეს ადამიანი არათუ არანაირი მუქარის განმხორციელებელი არ არის, უბრალოდ თვითონ ეტყობა როგორი სასოწარკვეთილი, ემოციური კონტროლისგან გასული და გონივრულობის მიღმა ისეთ რაღაცებს საუბრობდა, რომელზეც მე არც გავცემ პასუხს”, — განაცხადა გიორგი გახარიამ.

შეგახსენებთ, გუშინ სამთავრობო არხთან საუბრისას ბიძინა ივანიშვილმა გიორგი გახარიას "გარეწარი" უწოდა და მას და მისი პარტიის წევრებს გასამართლებით დაემუქრა.