აშშ-ს ყოფილი პრეზიდენტი და 2024 წლის არჩევნებში რესპუბლიკური პარტიის საპრეზიდენტო კანდიდატი, დონალდ ტრამპი, პენსილვანიის შტატის ერთ-ერთ McDonald's-ში ხალხს მოემსახურა.

ტრამპმა ეს გადაწყვეტილება მას შემდეგ მიიღო, რაც მისმა დემოკრატმა მეტოქემ, კამალა ჰარისმა, განაცხადა, რომ იგი წარსულში McDonald's-ში მუშაობდა, რასაც ტრამპი "ყალბ ისტორიას" უწოდებს.

მაკდრაივზე მომსახურება იგივე სამუშაოა, რაც ვიცე-პრეზიდენტმა კამალა ჰარისმა ახსენა, როგორც მისი ბიოგრაფიის ერთ-ერთი მნიშვნელოვანი ნაწილი. კამპანიის წარმომადგენელმა განუცხადა CNN-ს, რომ ჰარისი მუშაობდა მაკდონალდსში, ალამედაში, 1983 წლის ზაფხულში, როდესაც ის ჯერ კიდევ სტუდენტი იყო.

ეს ფაქტი საპრეზიდენტო კამპანიის ფარგლებში არაერთხელ ახსენეს, რაზეც ყოფილა პრეზიდენტმა ბილ კლინტონმაც კი იხურმა, რომ "ჰარისი ჩემს, როგორც პრეზიდენტის რეკორდს მოხსნის, რომელმაც ყველაზე მეტი დრო გაატარა მაკდონალდსში".

ფოტო: CNN

ტეხასის წარმომადგენელი ჟასმინ კროკეტი ამბობდა, რომ "ერთი კანდიდატი მუშაობდა მაკდონალდსში", ხოლო "მეორე ვერცხლის კოვზით პირში დაიბადა".

აღსანიშნავია, რომ ტრამპს წლების განმავლობაში არაერთხელ დაუყენებია ეჭვქვეშ მისი კონკურენტების ბიოგრაფიები, ხშირად დაუმსახურებლადაც კი.

"ახლა მე [McDonald's-ში] 15 წუთით მეტი მაქვს ნამუშევარი, ვიდრე კამალას" — განუცხადა ტრამპმა რეპორტიორებს "მაკდრაივის" ფანჯრიდან.

ფოტო: CNN