სახელმწიფო უსაფრთხოების სამსახურის უფროსმა, გრიგოლ ლილუაშვილმა განაცხადა, რომ არ აქვს ინფორმაცია, თუ ვინ მოიპოვა ბიძინა ივანიშვილის ცოლის, ეკატერინე ხვედელიძის სატელეფონო საუბრის ჩანაწერი, რომელიც Youtube პლატფორმაზე გავრცელდა.

ლილუაშვილმა თქვა, რომ ჩანაწერი "ჩვენი ტერიტორიიდან არ განხორციელებულა". ჩანაწერის ავთენტურობაში ლილუაშვილს ეჭვი არ შეუტანია, რაც მის ნამდვილობას ირიბად ადასტურებს.

Youtube.com არხზე Cyber Kmara, პერიოდულად "ქართული ოცნების" წარმომადგენლების სატელეფონო საუბრები ქვეყნდება. სწორედ აქ გამოქვეყნდა ეკა ხვედელიძის სავარაუდო საუბარი რუსულ კომპანია "ფსიქოდემიასთან", საიდანაც ირკვევა, რომ ივანიშვილის ცოლი "ქოუჩინგითაა" დაინტერესებული.