უნგრეთის პრემიერ-მინისტრმა, ვიქტორ ორბანმა ევროპარლამენტში მის მიმართ გაჟღერებულ კრიტიკას უპასუხა და ევროკავშირის ხელმძღვანელობა დაადანაშაულა, რომ მთავრობის "დამხობა" სურთ.

ორბანის მტკიცებით, უნგრელები ევროპარლამენტში მომხდარით "შოკირებული იყვნენ" რადგან მათ გონებაში ევროპისა და ევროპული პოლიტიკის განსხვავებული სურათი აღიბეჭდა.

”ჩვენ გვეგონა, რომ იქ ჭკვიანი ხალხი იყო და პოლიტიკური დებატები უფრო მაღალი ხარისხის იყო", — თქვა ორბანმა.

მანვე დასძინა, რომ გარკვეული პერიოდის განმავლობაში "კულტურულ შოკში" იყო, მაგრამ ახლა "გამოჯანმრთელდა."

ასევე, ორბანის მტკიცებით, ევროკომისიის პრეზიდენტმა ურსულა ფონ დერ ლაიენმა და ევროპის სახალხო პარტიის ლიდერმა, მანფრედ ვებერმა თქვეს, რომ მათ "უნგრეთის მთავრობის დამხობა" და მისი "ბრუსელის მთავრობით" შეცვლა სურდა.