დღეს, 9 ოქტომბერს, უკრაინის პრეზიდენტი ვოლოდიმირ ზელენსკი ხორვატიაში ქვეყნის პრემიერ-მინისტრ ანდრეი პლენკოვიჩთან შესახვედრად ჩავიდა.

ზელენსკი ასევე მონაწილეობას მიიღებს უკრაინა-სამხრეთ აღმოსავლეთ ევროპის მესამე სამიტში.

"პრემიერმინისტრ პლენკოვიჩთან ერთად განვიხილავთ თავდაცვის შემდგომ თანამშრომლობას, ფრონტზე დაჭრილი ჩვენი მეომრების რეაბილიტაციასა და ასევე უკრაინის აღდგენას. სამიტზე "უკრაინა+12" ფორმატში განვიხილავთ საერთაშორისო ძალისხმევას მშვიდობის დაახლოებისა და მშვიდობის ფორმულის განსახორციელებლად, ჩვენს ერთობლივ პასუხს პარტნიორებთან უსაფრთხოების გამოწვევებზე, ასევე თანამშრომლობას EU-სა და NATO-სკენ მიმავალ გზაზე", — წერს უკრაინის პრეზიდენტი სოციალურ ქსელ X-ზე.