მონობა კატეგორიულად მიუღებელია, — ამის შესახებ განაცხადა დედაქალაქის მერმა, კახა კალაძემ სამი კრიტიკული ტელევიზიის — მთავარის, ფორმულას და ტვ პირველის მიერ ოცნების საარჩევნო რეკლამის ეთერში გაშვებაზე უარის თქმასთან დაკავშირებით.

"მონობას დაანებეთ თავი და იყავით ღირსეულები. ზოგად კონტექსტში ვამბობ, მონობა კატეგორიულად მიუღებელია. ვიღაცამ რაღაცა გვიბრძანოს ვიღაცას არ მოსწონს, ეს დამოკიდებულება არ არის სწორი. ამას სჭირდება სამართლებრივი არგუმენტები, იურიდიული არგუმენტები, რომელიც არ არსებობს", — განაცხადა კახა კალაძემ.