უკრაინელი მაღალჩინოსნები იუწყებიან, რომ რუსეთი დრონებით თავს დაესხა უკრაინის დედაქალაქს — კიევს, ხოლო დააზიანა ოდესას შავი ზღვის პორტი.

BBC-ის ცნობით, თავდასხმის გამო, უკრაინის საჰაერო განგაში რამდენიმე საათის განმავლობაში გაგრძელდა.

როგორც მედია წერს, საჰაერო ძალებზე დაყრდნობით, უკრაინელმა სამხედროებმა, რუსეთის მიერ სხვადასხვა რეგიონში გაშვებულ, სულ მცირე, 87 უპილოტო თვითმფრინავიდან — 56 ჩამოაგდეს.

სახელმწიფო გადაუდებელი სამსახურის სერვისი აცხადებს, რომ ოდესაში, მრავალი შეტაკების შედეგად ერთი პირი იქნა დაშავებული, ხოლო დაზიანებულია საწყობები და გადამზიდი მანქანები.

ხერსონის სამხრეთ რეგიონის გუბერნატორმა ალექსანდრე პროკუდინმა გუშინ, Telegram-ზე განაცხადა, რომ ბოლო 24 საათის განმავლობაში რუსეთის მიერ რეგიონზე განხორციელებული თავდასხმების შედეგად ერთი მშვიდობიანი მოქალაქე დაიღუპა და 15 დაიჭრა.

რუსული თავდასხმები მას შემდეგ მოხდა, რაც უკრაინულმა ძალებმა, დონეცკის რეგიონში, რუსული გამანადგურებელი ჩამოაგდეს.