ისრაელმა ბეირუთზე იერიში განახორციელა. ამის შესახებ BBC წერს. წუხელ ღამით, ქალაქის სამხრეთით აფეთქებების ხმა გაისმა. ვრცელდება ძლიერი აფეთქების ვიდეოკადრებიც.

როგორც BBC წერს, აფეთქებების ადგილი ახლოსაა ბეირუთში მდებარე აეროპორტთან. თავდასხმის დაწყებამდე ერთი საათით ადრე ისრაელმა ბეირუთის სამხრეთით მოსახლეობის ევაკუაციის ბრძანება გასცა.

ისრაელის სამხედროები აცხადებენ, რომ ბეირუთში ჰეზბოლას სადაზვერვო შტაბის კუთვნილ სამიზნეებს დაარტყეს. მეორადი აფეთქებები პირველადი დარტყმის შემდეგ მოხდა, რაც იმაზე მიუთითებს, რომ ობიექტებში იარაღი ინახებოდა.

IDF ამბობს, რომ ჰეზბოლამ განზრახ დააფუძნა თავისი სარდლობა და იარაღის საწყობები საცხოვრებელი კორპუსების ქვეშ, ბეირუთის ცენტრში, "რაც საფრთხეს უქმნის ამ ტერიტორიის მოსახლეობას".