პრემიერმინისტრი ირაკლი კობახიძე თბილისის სახელმწიფო უნივერსიტეტში 2024-2025 სასწავლო წლის შემოდგომის სემესტრში ლექციებს არ ჩაატარებს. ამის შესახებ ინფორმაცია თავდაპირველად თსუ-ის სტუდენტმა ნიკო მანაგაძემ სოციალურ ქსელში გაავრცელა. ის წერდა, რომ ირაკლი კობახიძის ლექციები თსუ-ში "გაუქმდა", პრემიერმინისტრმა "წინა სემესტრი ძლივს ჩაამთავრა ყოველკვირეული პროტესტების ფონზე და როგორც ჩანს, მისი მრავალწლიანი მოღვაწეობა ქვეყნის მთავარ სახელმწიფო უნივერსიტეტში ამით დასრულდა".

თსუ-ის პრესსამსახურში რადიო თავისუფლებას განუცხადეს, რომ "მიმდინარე სემესტრში ირაკლი კობახიძე სარგებლობს ანაზღაურების გარეშე აკადემიური შვებულებით", რაც შეეხება მის სასწავლო კურსს, არ გაუქმებულა.