შინაგან საქმთა სამინისტროს პრესსამსახურის ინფორმაციით, სამეგრელო-ზემო სვანეთის სატყეო უბნის მესტიის სატყეოს მე-13 კვარტალში გაჩენილი ხანძარი ამ დროისთვის ლოკალიზებულია.

ხანძრის ლიკვიდაცია მისი რთული რელიეფური და გეოგრაფიული მდებარეობის გამო რამდენიმე საათის განმავლობაში ვერ ხერხდებოდა, რის შემდეგაც ადგილზე შსს-ს ვერტმფრენი გაგზავნეს.

დაახლოებით 2 ჰექტარი ტყის მასივში ხანძარი დილით გაჩნდა, რის მიზეზადაც მაღალი ტემპერატურა და მოსახლეობის დაუდევრობა სახელდებოდა.