არასრულწლოვანის გაუპატიურების ბრალდებით ბოლივიის ყოფილი პრეზიდენტის ევო მორალესის წინააღმდეგ გამოძიება დაიწყო. ქვეყნის იუსტიციის მინისტრმა სეზარ საილსმა განაცხადა, რომ მსხვერპლი დანაშაულის დროს 15 ან 16 წლის იყო. ინფორმაციას France24 ავრცელებს.

გაუპატიურების შედეგად გოგონას ქალიშვილი შეეძინა, რომლის მამად დაბადების მოწმობაში ევო მორალესია ჩაწერილი. ინფორმაციის გავრცელების შემდეგ მორალესმა სოციალურ ქსელში ბრალდებას უსაფუძვლო უწოდა და განაცხადა, რომ მოქმედი ხელისუფლება მის გაჩუმებას ცდილობს. მსხვერპლი ახალგაზრდული ორგანიზაციის Generation Evo-ს წევრი იყო, რომელიც მორალესმა დაახლოებით ათი წლის წინ შექმნა.

ევო მორალესი ბოლივიის პრეზიდენტის პოსტს 2006 -19 წლებში იკავებდა.

მორალესმა განაცხადა, რომ 2025 წლის საპრეზიდენტო არჩევნებში იყრის კენჭს.