"ჩვენ უნდა დავლაგდეთ ყველასთან, მათ შორის "გლობალურ ომის პარტიასთან", – ამის შესახებ საქართველოს პრემიერ-მინისტრმა, ირაკლი კობახიძემ დღეს განაცხადა. მისი თქმით, მომავალი წლიდან თვისებრივად შეიცვლება ინტერესები ჩვენი ქვეყნის მიმართ და შესაბამისად, გვექნება ურთიერთობების გადატვირთვის საშუალება ყველასთან, მათ შორის "გლობალურ ომის პარტიასთან".

"ინტერესები არის დროებითი, იცვლება ვითარების ცვლილებასთან ერთად. მას შემდეგ, რაც დასრულდება ორი არჩევნები (საქართველოში საპარლამენტო არჩევნები და აშშ-ში - საპრეზიდენტო) და ომი უკრაინაში, ჩვენ ვართ დარწმუნებული, რომ თვისებრივად შეიცვლება ინტერესები ჩვენი ქვეყნის მიმართ და შესაბამისად, გვექნება ურთიერთობების გადატვირთვის საშუალება ყველასთან და ყველაფერთან. ...ჩვენ უნდა დავლაგდეთ ყველასთან, მათ შორის გლობალურ ომის პარტიასთან, მას შემდეგ, რაც შეიცვლება ინტერესები", — განაცხადა კობახიძემ.

შეგახსენებთ, რომ ირაკლი კობახიძეს, ისევე როგორც ქართული ოცნების საპატიო თავმჯდომარე, ბიძინა ივანიშვილსა და მმართველი პარტიის ლიდერებს არა ერთხელ აქვთ ნათქვამი, რომ "გლობალური ომის პარტია" დგას ყველა ოპოზიციური ძალის, მათ შორის ქართული ოცნების წარმომადგენლებისთვის დაწესებული სანქციების უკან და მათ უნდა ებრძოლონ.

თავად პრემიერმა 23 მაისს განაცხადა, რომ "გლობალური ომის პარტიასთან" ბრძოლას, — მიუხედავად იმისა, რომ სერიოზულ რისკებთან, მათ შორის პერსონალურ რისკებთან არის დაკავშირებული, — ალტერნატივა არ აქვს".