საქართველოს პრემიერ მინისტრის, ირაკლი კობახიძის, განცხადებით, აშშ-ის საელჩოს მიერ გამოქვეყნებული ბანერი მანიპულაციურია და სიმართლეს არ წარმოაჩენს.

"1,8 პროცენტი არის 35 ათასზე მეტი ხმა, არ შეიძლება, საელჩოს ბანერზე მანიპულაცია იყოს მოცემული. როცა ამბობ, რომ 1,8 პროცენტი, რა მოხდა, 1,8 პროცენტი არ იყო მაშინ. როდესაც საბოლოო ჯამში დაიდო იმ ოქმების მონაცემები, ის არ იყო მთელი ქვეყნის მასშტაბით - ცდომილება იყო არა 1,8, არამედ იყო თუ არ ვცდები, 2,5. შესაბამის ოქმებს თუ დაადარებდით ქართული ოცნების შედეგის ცდომილება იყო არა 1,8, არამედ 2,5. ეს არის პირველი მანიპულაცია, რომელიც საელჩოს ბანერზეა და მინდა ვთხოვო ელჩს, კარგად ჩაუღრმავდეს ამ მანიპულაციას, რომელიც განახორციელეს მისი საელჩოს თანამშრომლებმა, როცა საქმე ეხება არა 1,8, არამედ 2,5 პროცენტს. 2,5 პროცენტი არის 50 ათასი ხმა", — განაცხადა ირაკლი კობახიძემ

ფოტო: აშშ-ის

კობახიძის განცხადება აშშ-ის საელჩოს ბანერს მოჰყვა, რომელშიც საელჩომ უარყო და გააკრიტიკა ქართული ოცნების ლიდერების განცხადებები, რომლებშიც ISFED სახელმწიფო გადატრიალების მცდელობაში დაადანაშაულეს.