პარლამენტის მიმდებარე ტერიტორიაზე, ამ მომენტისთვის შუქრუთელების მხარდამჭერი აქცია მიმდინარეობს.

მოშიმშილე შუქრუთელები პარლამენტის შენობის წინ, ღია ცის ქვეშ, 30-ე ღამეს ათევენ.

პროტესტის მონაწილეებმა პარლამენტის შენობასთან 11 სექტემბერს გადმოინაცვლეს. მას შემდეგ, რაც პოლიციამ ადგილზე კარვების გაშლის საშუალება არ მისცა, შუქრუთელები ღია ცის ქვეშ ათევენ ღამეს.

შუქრუთელებმა კვირებია რაც პროტესტის უკიდურეს ფორმას მიმართეს, მრავალი მათგანი შიმშილობს, ხოლო 5-ს პირი აქვს ამოკერილი.

29-ე დღეს, პროტესტის უკიდურეს ფორმას — შიმშილს, შუქრუთელმა ქალებმაც მიმართეს.
მათ პარლამენტთან ღამის გასათევად რამდენიმე გასაბერი ლეიბი მიიტანეს, თუმცა პოლიციამ მათ განუცხადა, რომ პარლამენტის წინ ლეიბების გაშლა არ შეიძლება.

გასულ ღამეს, 30 სექტემბერს, ერთ-ერთი მოშიმშილე შეუძლოდ გახდა, რის შემდეგაც საავადმყოფოში გადაიყვანეს, თუმცა რამდენიმე საათის შემდეგ ის კვლავ აქციას შეუერთდა.

აქციის მონაწილეები ჯორჯიან მანგანეზის საქმიანობის შედეგად სოფელ შუქრუთისთვის მიყენებული ზარალის ანაზღაურებას და პროცესში ხელისუფლების ჩართვას ითხოვენ.