სამშაბათს, 1-ელ ოქტომბერს, ოფიციალურად გამოცხადდა, რომ მეორე ტურის კენჭისყრით, იაპონიის ყოფილი თავდაცვის მინისტრი, შიგერუ იშიბა, ქვეყნის ახალი პრემიერ-მინისტრი გახდება.

იაპონიის ყოფილმა პრემიერ-მინისტრმა, ფუშიმო კიშიიდამ, აგვისტოში განაცხადა, რომ სექტემბერში გადადგებოდა და ვადამდელ არჩევნებს დანიშნავდა, მიზეზად პოლიტიკური სკანდალები დაასახელა, რადგან მისი 3-წლიანი მმართველობის განმავლობაში, საშუალო საცხოვრებელი ხარჯები გაიზარდა.

სკანდალებით ცნობილ ლიბერალ-დემოკრატიულ პარტიას (LDP) 67 წლის იშიბა ჩაუდგება სათავეში და პარლამენტის ქვედა პალატაში მისი პარტიის უმრავლესობის დამსახურებით, მსოფლიოს სიდიდით მეოთხე ეკონომიკას ჩაიბარებს.

იშიბა ცხრა კანდიდატიდან ერთ-ერთია. მან მინისტრი სანაე ტაკაჩი დაამარცხა, რომელსაც შეეძლო, იაპონიის პირველი ქალი ლიდერი გამხდარიყო. მესამე რეალური კონკურენტი სუნიჩირო კოიზუმი იყო — ყოფილი პრემიერ-მინისტრის ვაჟი, დასავლური განათლების მქონე პოლიტიკოსი.

ტაშიბას მოსვლამდე, კონსერვატიული პარტია დაარსების დღიდან, 1955 წლიდან, იაპონიას თითქმის უწყვეტად მართავდა.

ახალი პრემიერ-მინისტრს გამორჩეული მიდგომა აქვს ქვეყნის მართვასთან დაკავშირებით, ის მზად არის, წავიდეს საკუთარი პარტიის წინააღმდეგ და საჭიროების შემთხვევაში გააკრიტიკოს ის. ამან LPD-ის წევრები მის წინააღმდეგ განაწყო, თუმცა საზოგადოებაში დიდი პოპულარობა და პატივისცემა მოუტანა.

მედიის თქმით, ის კონსერვატიული პარტიის პროგრესულ მხარეს მიეკუთვნება და იშიბას პოლიტიკაში მოსვლა მისმა პოლიტიკურმა გამჭრიახობამ და პოლიტიკურმა გამოცდილებამ განაპირობა.

ახალი ლიდერის განცხადებით, ლიბერალურ-დემოკრატიულ პარტია ახლიდან უნდა დაიბადოს და ხალხის ნდობა კვლავ დაიმსახუროს.

"მე დავუჯერებ ხალხს, ვიტყვი სიმართლეს გამბედავად და გულწრფელად, ჩემს მაქსიმუმს გავაკეთებ იმისათვის, რომ უსაფრთხო და დაცული ქვეყანა შევქმნა, სადაც ყველა ღიმილიანი სახით ივლის" — თქვა მან.