28 სექტემბერს ქართულმა ოცნებამ პარტიის საარჩევნო კამპანიის ფარგლებში, თელავში ღონისძიება გამართა, რომელზეც სიტყვით პარტიის ლიდერები, მამუკა მდინარაძე, შალვა პაპუაშვილი, კახა კალაძე, ირაკლი კობახიძე, ირაკლი ღარიბაშვილი და ბიძინა ივანიშვილი გამოვიდნენ.

საინტერესოა, რომ ბიძინა ივანიშვილის რიტორიკაში ცვლილებები შეიმჩნეოდა. კერძოდ, ქართული ოცნების საპატიო თავმჯომარემ ქვეყნის გაერთიანების პირობად ურთიერთშენდობა დაასახელა, თუმცა ბოდიშის მოხდა აღარ უხსენებია.

"ესაა ბრძოლა ჩვენი დიდი ხნის ნატვრის ასასრულებლადაც - კვლავ გაერთიანებული ვიხილოთ ჩვენი სამშობლო, თუმცა საქართველოს ტერიტორიული მთლიანობის აღდგენა მხოლოდ და მხოლოდ მშვიდობიანი გზით, შერიგებისა და ურთიერთ შენდობის საფუძველზეა შესაძლებელი!", — განაცხადა ივანიშვილმა

როგორც წინა შემთხვევაში, ახლაც აგვისტოს ომის დაწყებაში მან ქართული მხარე დაადანაშაულა.