საქართველოს პრემიერმინისტრი, ირაკლი კობახიძე აშშ-ს პრეზიდენტის, ჯო ბაიდენის ადმინისტრაციის მიერ, მსოფლიო ლიდერებისა და გაეროს მაღალჩინოსნების მიღებაზე მისი მიწვევის გაუქმებას გამოეხმაურა.

კობახიძის თქმით, ეს იყო "ერთგვარი ჰუმანიტარული აქტი ოპოზიციის სასარგებლოდ".

"არასერიოზულია, სამი დღის წინ გამოაგზავნეს მოსაწვევი და შემდეგ გაუქმდა - ეს იყო ერთგვარი ჰუმანიტარული აქტი ოპოზიციის სასარგებლოდ, თუმცა ვერავითარი პრაქტიკული ეფექტი ამას ვერც ოპოზიციისთვის ვერ ექნება", — თქვა პრემიერმინისტრმა, ირაკლი კობახიძემ გაეროს გენერალური ასამბლეის 79-ე სესიაზე, სიტყვით გამოსვლის შემდეგ.