რუსეთმა ჩინეთში დაიწყო პროგრამა შორ მანძილზე მოქმედი უპილოტო საფრენი აპარატების შემუშავებისა და წარმოების მიზნით, რომელთა გამოყენება უკრაინის ომში იგეგმება. ამის შესახებ Reuters-ი ევროპული დაზვერვის წყაროებზე და შესაბამის დოკუმენტებზე დაყრდნობით იტყობინება.

სააგენტოს ცნობით, იჟევსკის ელექტრომექანიკურმა ქარხანამ კუპოლმა ჩინეთში Harpy-3 თვითმფრინავის ახალი მოდელი გამოცადა. Reuters-ი წერს, რომ კუპოლმა რუსეთის თავდაცვის სამინისტროს გაუგზავნა წერილი,სადაც ნათქვამი იყო, რომ მას შეეძლო დრონების, მათ შორის – Harpy 3-ის დრონების წარმოება ჩინეთის ქარხანაში, რომელთაც რუსეთ-უკრაინის ომში გამოიყენებდა.

Reuters-ის მიერ მოპოვებული ცნობით, Harpy-3-ს შეუძლიათ დაფაროს დაახლოებით 2 ათასი კილომეტრი 50 კილოგრამიანი ტვირთით.