უკრაინაში პუტინის ომმა თავის ძირითად მიზანს ვერ მიაღწია, — ამის შესახებ გაეროს გენერალური ასამბლეის სესიაზე სიტყვით გამოსვლისას აშშ-ის პრეზიდენტმა, ჯო ბაიდენმა განაცხადა

"ის უკრაინის განადგურებას აპირებდა, მაგრამ უკრაინა მაინც თავისუფალია. მას დასუსტებული ნატოს ხილვა სურდა, მაგრამ ნატო უფრო დიდი, ძლიერი და გაერთიანებულია, ვიდრე ოდესმე ყოფილა. ახლა მსოფლიოს სხვა არჩევანი აქვს გასაკეთებელი. გავაგრძელებთ ჩვენს მხარდაჭერას, რათა დავეხმაროთ უკრაინას ამ ომში გასამარჯვებლად, მისი თავისუფლების შესანარჩუნებლად, თუ დავუშვებთ, რომ განახლდეს აგრესია და განადგურდეს ერი", — აღნიშნა აშშ-ის პრეზიდენტმა.

ჯო ბაიდენმა ასევე პირობა დადო, რომ გააგრძელებს ომში მყოფი უკრაინის მხარდაჭერას მანამ, სანამ ის მტკიცე მშვიდობას არ მიაღწევს.

"მე ვიცი ჩემი პასუხი. ჩვენ არ შეგვიძლია დავიღალოთ. ჩვენ არ შევწყვეტთ უკრაინის მხარდაჭერას მანამ, სანამ უკრაინა არ მოიპოვებს სამართლიან და მტკიცე მშვიდობას გაეროს წესდების შესაბამისად", — აღნიშნა მან.