ადამიანის უფლებათა ევროპული სასამართლოს დიდი პალატის კოლეგიამ, მომჩივარ ადვოკატთა თხოვნა დააკმაყოფილა და 20 ივნისის საქმე განსახილველად გადასცა დიდ პალატას.

ახალგაზრდა იურისტთა ასოციაციის თქმით, საქმეები ევროპული სასამართლოს დიდ პალატას იშვიათ შემთხვევაში გადაეცემა. კონვენციის მიხედვით, საქმე ევროპული კონვენციის, მისი ოქმების განმარტების ან გამოყენების სერიოზულ საკითხს, ან საერთო მნიშვნელობის სხვა აუცილებელ საკითხებს უნდა წამოჭრიდეს.

2024 წლის 7 მაისს, ადამიანის უფლებათა ევროპულმა სასამართლომ, სახელმწიფო ადამიანის უფლებათა ევროპული კონვენციის დამრღვევად ცნო, 2019 წლის 20-21 ივნისის ანტისაოკუპაციო აქციის დროს დაზარალებული მოქალაქეების (26 პირის) საჩივრის საფუძველზე.