თურქეთის პრეზიდენტმა, რეჯეფ თაიფ ერდოღანმა პრესკონფერენციაზე განცხადება გააკეთა, სადაც დასავლეთს ისრაელის წინააღმდეგ “შემაკავებელი ზომების” მიღებისკენ მოუწოდა.

ერდოღანის მტკიცებით, ისრაელის მხრიდან ლიბანზე განხორციელებული თავდასხმა ამტკიცებს იმას, რომ ისრაელის მთავრობას ომის გავრცელება რეგიონში სურს.

Reuters-ზე დაყრდნობით, გაერო-ს გენერალურ ასამბლეაზე, ერდოღანის გამოსვლის მთავარი თემა ისრაელის ღაზაში ომი იქნება.

“ისრაელზე ზეწოლა კიდევ უფრო უნდა გაძლიერდეს, იმისთვის რომ ჩვენი რეგიონიც არ იყოს ჩათრეული ამ დიდ კატასტროფაში. ყველა იმ ქვეყანამ, რომელსაც მსოფლიო მშვიდობის დაცვის მისია აკისრია, დროა მიიღოს გადაწყვეტილებები, რომელიც შეაჩერებს ისრაელს. ჩვენთან ერთად მთელ მსოფლიოს და კანსაკუთრებით, გაერო-ს, მნიშვნელოვანი მისია აკისრია, იმისთვის რომ შეწყდეს ეს ჩაგვრა, რომელიც თითქმის ერთი წელია გრძელდება, შეწყდეს ცეცხლი და უზრუნველყოფილი იყოს ჰუმანიტარული დახმარების შეუფერხებელი მიწოდება”, განაცხადა ტურქეთის პრეზიდენტმა.