რუსთავის 2-ის ეთერში ჟურნალისტის მიერ პირად სპორტულ კოლექციაზე დასმული კითხვის საპასუხოდ, პრემიერ-მინისტრმა ირაკლი კობახიძემ თქვა, რომ "მას და მის ბავშვებსაც საკმაოდ ბევრი საჩუქარი აქვთ მიღებული სპორტსმენებისგან". საჩუქრებს შორის გამოარჩია ფეხბურთელ გიორგი ქოჩორაშვილის ლევანტეს მაისური. პრემიერის თქმით, "მაისური ძალიან ლამაზია".

"ბოლო ძალიან ღირებული საჩუქარი იყო, მადლობა გიგას ამ საჩუქრისთვის, ბირთვი, რომლითაც მან მოიგო პარასპორტში მსოფლიო ჩემპიონატი და პარაოლიმპიური ჩემპიონი გახდა. ძალიან ემოციური და ძვირფასი იყო ჩემთვის ამ საჩუქრის მიღება. მაქვს ბურთები ფეხბურთელების და რაგბისტების ხელმოწერებით, მაისურები. მადლობა ყველას ამისთვის. ერთ-ერთი ბოლო საჩუქარი ფეხბურთელებისგან რაც მივიღე, არის ქოჩორაშვილის ლევანტეს მაისური. ძალიან ლამაზია და მადლობა გიორგის ამისთვის", — განაცხადა ირაკლი კობახიძემ.