17 სექტემბერს, უკრაინელი მოკრივე და მსოფლიო ჩემპიონი ალექსანდრ უსიკი კრაკოვის აეროპორტში დააკავეს. უკრაინის პრეზიდენტმა, ვოლოდიმირ ზელენსკიმ განაცხადა, რომ უსიკს ესაუბრა, რის შემდეგაც ის გაათავისუფლეს.

"ვესაუბრე ოლექსანდრ უსიკს, როცა ის დაკავებული იყო. აღშფოთებული ვიყავი ჩვენი ქვეყნის მოქალაქისა და ჩემპიონის მიმართ ასეთი მოპყრობით. უკრაინის შინაგან საქმეთა და საგარეო საქმეთა მინისტრებს დავავალე, რომ დაუყოვნებლივ გარკვეულიყვნენ ინციდენტის ყველა დეტალში", - აღნიშნა ზელენსკიმ.

პოლონური მედია იუწყება, რომ უსიკი ავტომობილის სიჩქარის ლიმიტის მნიშვნელოვნად გადაჭარბების გამო დააკავეს. ამის მიზეზად დასახელდა, რომ უკრაინელი მოკრივე ფრენაზე იგვიანებდა.

უსიკმა მადლობა გადაუხადა უკრაინელ დიპლომატებს და დასძინა, რომ მისი დაკავების ამბავი გაუგებრობა იყო.

უკრაინის საგარეო საქმეთა მინისტრმა, ანდრეი სიბიგმა დაკავებას არაპროპორციული და მიუღებელი ქმედება უწოდა. ის ამის გამო, პოლონურ მხარეს ოფიციალურ ნოტას გაუგზავნის.