ვოიაჯერის 40 წლის დაბადების დღის აღსანიშნად, NASA მთელს მსოფლიოს ეპატიჟება. თუმცა, ცხადია, ეს საყოველთაო წვეულება ვირტუალურად აღინიშნება და ყველა თქვენგანს შეეძლება მასში ჩართვა.

ჰეშტეგი #MessageToVoyager გამოყენებით, თქვენ თქვენს Facebook-ზე, Twitter-ზე ან სხვა სოციალურ ქსელებში უნდა მისწეროთ მესიჯი ვოიაჯერს, მიულოცოთ დაბადების დღე ან უბრალოდ კეთილი სურვილები გამოხატოთ.

ყველა მესიჯს ნასას თანამშრომლები წაიკითხავენ, ამოარჩევენ საუკეთესოებს და გამოიტანენ საყოველთაო გამოკითხვაში. აქ გამარჯვებული მესიჯი კი კოსმოსში, ვოიაჯერთან გაიგზავნება.

ვოიაჯერის მისია 1977 წელს გაეშვა, მისი მიზანი კი მზის სისტემის გარეთ მდებარე სივრცის შესწავლა იყო, ხოლო იმ შემთხვევაში თუ მისია უცხო ცივილიზაციას გადააწყდება, მას თან დედამიწის ფოტოები, ხმები, მუსიკა, მათ შორის ქართული ხალხური სიმღერა ჩაკრულო, აქვს და უცხოპლანეტელებს ჩვენს კულტურასა და ისტორიას გააცნობს.

არ დაგეზაროთ, დაწერეთ მესიჯი ვოიაჯერისთვის, მიულოცეთ მას იუბილე და ვინ იცის, იქნებ თქვენი მინაწერი აღმოჩნდეს კოსმოსში, მზის სისტემის ფარგლებს გარეთ.