გერმანიამ, არალეგალური მიგრაციისა და ტრანსსასაზღვრო დანაშაულის წინააღმდეგ ბრძოლის ფარგლებში, დროებით აღადგინა სახმელეთო საზღვრები დასავლეთთან და ჩრდილოეთთან.

გავრცელებული ინფორმაციით, სასაზღვრო კონტროლი ექვსი თვის განმავლობაში იმოქმედებს, შესაძლოა მეტიც.

სასაზღვრო კონტროლი გერმანიის აღმოსავლეთ და სამხრეთ საზღვრებზე უკვე მოქმედებს. ქვეყანამ შემოწმებები დაიწყო ბელგიასთან, დანიასთან, ნიდერლანდებთან, ლუქსემბურგთან და საფრანგეთთან არსებულ საზღვრებზე.

გერმანიის ფედერალური პოლიციის კავშირის თქმით, ისინი, ვინც გერმანიის საზღვარს გადაკვეთენ, აუცილებლად შემოწმდებიან.