ნონა ქურდოვანიძე: მიხაილ როთის მთავარი გზავნილი იყო, რომ "უცხოური გავლენის გამჭვირვალობის შესახებ" კანონის არსებობა-არ არსებობაზეა დამოკიდებული, დაიწყება თუ არა საქართველოსთან გაწევრიანების პროცესი

16 Sep. 2024, 14:53

"ამ ტიპის შეხვედრები ძალიან მნიშვნელოვანია — ერთი მხრივ იმას აჩვენებს, რომ ინტერესი ჩვენი ქვეყნის მიმართ არის მაღალი, განსაკუთრებით წინასაარჩევნო პერიოდში. ჩვენი მხრიდან მოხდა ინფორმაციის გაზიარება, ზოგადად რა გარემოა წინასაარჩევნო პერიოდში საქართველოში, "რუსული კანონის" ეფექტებთან დაკავშირებით, ცხადია, იყო მსჯელობა. რაც შეეხება მისი მხრიდან რაზე კეთდებოდა აქცენტები, ჩემთვის ყველაზე მნიშვნელოვანი, რა თქმა უნდა, არის ის, რომ, სამწუხაროდ, საქართველოს ხელისუფლების მხრიდან გადადგმული ნაბიჯები როგორიც არის, მათ შორის, ამ კანონის მიღება, თავდასხმები არასამთავრობო სექტორზე და ზოგადად ეს რიტორიკა, რომელსაც ხელისუფლება იყენებს უკვე არაერთი თვეა, ეს გავლენას ახდენს საქართველოს ევროინტეგრაციის პროცესზე და არის დამაზიანებელი, სამწუხაროდ, საქართველოს ევროინტეგრაციის პროცესისთვის, ამიტომ თუ ეს კანონი შენარჩუნდა და ამ ტიპის ქმედებები გაგრძელდა, ეს საბოლოო გავლენას მოახდენს. დაიწყება თუ არა საქართველოსთან გაწევრიანების პროცესი, ეს დამოკიდებულია ამ კანონის არსებობა-არ არსებობაზე".

ბოლო ამბები: