ნონა ქურდოვანიძე: საია მზადაა დაიცვას კონსტიტუცია, არ დაემორჩილოს რუსულ კანონს და გააგრძელოს სამართლებრივი ბრძოლა მის გასაუქმებლად

3 Sep. 2024, 11:28

"ნებისმიერ დღეს შეიძლება დაიწყოს იძულებითი რეგისტრაციისათვის მონიტორინგის პროცესი. მონიტორინგის დაწყებას გარდაუვლად მოჰყვება იძულებითი რეგისტრაცია და დიდი ჯარიმები.
საკონსტიტუციო სასამართლო სათათბიროდაა გასული და არავინ იცის როდის გამოაცხადებს გადაწყვეტილებას. შესაბამისი ნების პირობებში არ უნდა დასჭირდეს დიდი დრო იმის დადგენას, რომ ეს კანონი გამოუსწორებელ ზიანს აყენებს ორგანიზაციებს. საიას მაგალითზე, ეს ზიანი უკვე სახეზეა თუნდაც იმის გამოც, რომ კანონის მიღების პერიოდში ჩვენს ოფისზე ორჯერ განხორციელდა ვანდალური შემოტევა, მათ შორის ერთი ფაქტი ქართული ოცნების დეპუტატმა თავად გამოაქვეყნა საკუთარ ფეისბუქ გვერდზე. შესაბამისი ნების პირობებში, არც ამ ფაქტების გამოძიება უნდა იყოს რთული, თუმცა, გამოძიება არ რეაგირებს. მეტიც, ჩვენი შენობა ატარებს კულტურული მემკვიდრეობის ძეგლის სტატუსს. ამიტომ, ვანდალურად დაზიანებული ფასადის გაწმენდა დამოუკიდებლად არ შეგვიძლია, მერიის შესაბამისმა სამსახურმა კი მის გაწმენდაზე უარი იმიტომ გვითხრა, რომ ეშინიათ გაწმენდისას ძეგლი არ დააზიანონ;

ამის მიუხედავად, მთელი შემართებით საია მზადაა დაიცვას კონსტიტუცია, არ დაემორჩილოს რუსულ კანონს და გააგრძელოს სამართლებრივი ბრძოლა მის გასაუქმებლად."

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ირანის საგარეო საქმეთა მინისტრი: ინტერნეტის გამორთვა მოხდა ირანელი ხალხის უსაფრთხოების გამო მოხდა