საკონსტიტუციო სასამართლოში რუსული კანონის განხილვის მეორე დღეს, საჯარო რეესტრის ეროვნული სააგენტოს თავმჯდომარემ, დავით დევიძემ გააკეთა განმარტება პროცედურულად როგორ დაიწყება რუსული კანონის აღსრულება. მისი თქმით, საჯარო რეესტრი აცნობებს ორგანიზაციებს მონიტორინგის პროცესის დაწყებაზე, მაგრამ არ მიაკითხავს მათ ოფისში, მხოლოდ წერილობით მოხდება ინფორმაციის გამოთხოვა.

მისი თქმით, ორგანიზაციებს, პირველ რიგში, ევალებათ დეკლარირების ვალდებულება და ამის შემდეგ დგება მონიტორინგის წესი.

„მონიტორინგი გულისხმობს, რომ განისაზღვროს ის სუბიექტები, რომლებიც აკმაყოფილებენ კანონმდებლობით დადგენილ კრიტერიუმს, რომ 20 პროცენტზე მეტი შემოსავალი არის მათთვის უცხოელი ძალის მიერ ჩარიცხული. ამ ორგანიზაციებს, პირველ რიგში, ევალებათ დეკლარირების ვალდებულება და მხოლოდ ამის შემდეგ დგინდება/დგება მონიტორინგის წესი. მონიტორინგი გულისხმობს, რომ უნდა გაირკვეს, არიან თუ არა ისეთი ორგანიზაციები, რომლებმაც თავი აარიდეს კანონით დადგენილი წესების შესრულებას და შესაბამის რეესტრში არ რეგისტრირდებიან. ასეთი შემთხვევებისთვის არსებობს წესი, როგორ უნდა მოხდეს. თვითდეკლარირებას როდესაც ეწევიან ორგანიზაციები, მაგალითად, არიან მედიაორგანიზაციები, რომლებსაც ასევე თავიანთ ვებგვერდზე აქვთ გამოქვეყნებული, რომ შესაბამის რეესტრში არ დარეგისტრირდებიან, ბუნებრივია, ესეც არის მასობრივი ინფორმაციის საშუალებებში გავრცელებული წყარო, ინფორმაცია, რომლის მიხედვითაც, შეიძლება საჯარო რეესტრის შესაბამისმა სტრუქტურულმა ერთეულმა იხელმძღვანელოს და ამითაც მიიღოს შესაბამისი ინფორმაცია.

ისმებოდა საკითხი, რომ საჯარო რეესტრი შევა თუ არა მათ ოფისებში, ეს არ მოხდება. ჩვენ მხოლოდ წერილობითი ინფორმაციის გამოთხოვა შეგვიძლია. პირველ რიგში, მას მივაწვდით ინფორმაციას, რომ დაიწყო მონიტორინგის პროცესი. შემდეგ მათ ექნებათ ვალდებულება, საჯარო რეესტრს წარმოუდგინონ ინფორმაცია, შეავსონ საფინანსო დეკლარაცია. შემდეგ შეგვიძლია სხვა ადმინისტრაციული ორგანოებიდან და კერძო ორგანიზაციებიდან გამოვითხოვოთ წერილობითი ინფორმაცია, რომლის მიხედვითაც, შევაგროვებთ შესაბამის ინფორმაციას. მაგალითად ბანკები, საიდანაც შეიძლება გავიგოთ ინფორმაცია საფინანსო ანგარიშების შესახებ, წყაროები და ასე შემდეგ“, – განაცხადა დავით დევიძემ მედიასთან საუბრისას“, - განაცხადა დევიძემ.