საჯარო რეესტრის ეროვნულ სააგენტოში რეგისტრაციისთვის განცხადებით 233 არასამთავრობო ორგანიზაციას აქვს მომართული, - ამის შესახებ, საკონსტიტუციო სასამართლოში რუსული კანონის განხილვის მეორე დღეს, იუსტიციის მინისტრის პირველმა მოადგილემ, თამარ ტყეშელაშვილმა განაცხადა.

მისი თქმით, სულ ქვეყანაშ 30 000-მდე არასამთავრობო ორგანიზაციაა.

გამოდის, რომ რეგისტრაციის თხოვნით სამინისტროს ააიპ-ების 0.77%-მა მიმართა.

„ამ კანონის მიხედვით, საჯარო რეესტრის ეროვნულ სააგენტოში რეგისტრაციის მიზნებისთვის მომართული აქვს განცხადებით 233 არასამთავრობო ორგანიზაციას. მათ აქვთ კიდევ ვადა. რაც შეეხება იმას, სულ რამდენი არასამთავრობო ორგანიზაციაა, ეს გასახშირია. არსებობს სახელმწიფო აიპები, ფედერაციები და ა.შ. ეს ცალკე დასათვლელია. დაახლოებოთ 30 000-მდეა.

დეკლარაციების გაუგებრობასთან დაკავშირებით საჯარო რეესტრი არის მზად ყველა მათგანს დაეხმაროს. ჩვენი ვალია, მოქალაქეებს მოვუწოდოთ აღასრულონ კანონი და ჩვენ კიდევ ყველანაირად ხელი შევუწყოთ ამ კანონის ჯეროვნად შესრულებას, რომ არ იყოს ჯარიმები“, — განაცხადა თამარ ტყეშელაშვილმა.