"მართლმადიდებლობის სახელმწიფო რელიგიად გამოცხადების შესახებ საქართველოს ეკლესიას აქვს იგივე პოზიცია, რაც მანამდე”, — ამის შესახებ პროტოპრესვიტერი გიორგი ზვიადაძე აცხადებს. ინფორმაციას "პუბლიკა" ავრცელებს.

მისი თქმით, არავითარი საფუძველი არ არის, რომ ის სამართლებრივი მოდელი, რაც დღეს არსებობს სახელმწიფოსა და ეკლესიას შორის, შეიცვალოს.

"ვესწრებოდი გუშინდელ შეხვედრას. ეს არის ძალიან კორექტული, ძალიან მშვიდი და არგუმენტირებული საუბარი იმასთან დაკავშირებით, რაც უკავშირდება სამართლებრივ მოდელებს ეკლესიას და სახელმწიფოს შორის. […] არავითარი საფუძველი არ არის, რომ ის სამართლებრივი მოდელი, რაც დღეს არსებობს სახელმწიფოსა და ეკლესიას შორის, შეიცვალოს”, – განაცხადა გიორგი ზვიადაძემ

შეხვედრის სხვა დეტალების შესახებ ჯერ-ჯერობით უცნობია.

შეგახსენებთ, რომ 21 აგვისტოს, მცხეთაში ქართული ოცნების საპატიო თავმჯდომარემ, ბიძინა ივანიშვილმა ამომრჩეველთან შეხვედრაზე განაცხადა, რომ ქართულ ოცნებას არჩევნებში საკონსტიტუციო უმრავლესობის მოპოვება ოთხი მიზნის მისაღწევად სჭირდება. სამ მათგანზე მან დეტალურად ისაუბრა, მეოთხეზე საუბრისგან თავი შეიკავა. კულუარებში საუბრობენ, რომ მეოთხე საკითხი, შესაძლოა, სწორედ მართლმადიდებლობის სახელმწიფო რელიგიად გამოცხადება იყოს.

ამავე თემაზე წაიკითხეთ:

ბიძინა ივანიშვილი: წამოვიწყებთ სამართლებრივ პროცესს, რომლის შედეგადაც "ნაციონალური მოძრაობა" აიკრძალება

საკონსტიტუციო უმრავლესობის მოპოვებისთანავე ოჯახურ ღირებულებებსა და არასრულწლოვანთა ინტერესებს განსაკუთრებით მოვუფრთხილდებით;

ბიძინა ივანიშვილის განცხადებები.