ინდოეთის პრემიერ-მინისტრმა, ნარენდრა მოდიმ და უკრაინის პრეზიდენტმა, ვოლოდიმირ ზელენსკიმ შეთანხმების ოთხ დოკუმენტს, მათ შორის, ორმხრივი ურთიერთობების გაძლიერების დოკუმენტს მოაწერეს ხელი.

ოთხი დოკუმენტი — აგროკულტურულ, სამედიცინო, კულტურულ და ჰუმანიტარულ დახმარების მიწოდებაში ურთიერთთანამშრომლობას მოიცავს.

მედია წერს, რომ იმის შემდეგ, რაც ქვეყნის ლიდერებმა რუსული არმიის თავდასხმების შედეგად დაღუპული ბავშვების მემორიალი მოინახულეს, სადაც თანაგრძნობის ნიშნად მოდი ზელენსკის გადაეხვია.

ორივე ლიდერმა შეხვედრას "მეგობრული და ისტორიული" უწოდა.

ნარენდრა მოდიმ განაცხადა, რომ ის ქვეყანას მშვიდობის მესიჯით ეწვია და რომ ომის პერიოდში ინდოეთი არ ყოფილა უბრალოდ დამკვირვებელი.

მედიის ცნობით, უკრაინაში ვიზიტისას, მოდიმ ინდოეთის პოზიცია დააფიქსირა და მხარდაჭერა გამოაცხადა უკრაინის ტერიტორიული მთლიანობისა და სუვერენიტეტისადმი.

ინდოეთის პრემიერმა ასევე აღნიშნა, რომ ინდოეთი უკრაინის დასახმარებლად „ამ კონფლიქტში“ "პროაქტიულ წვლილს" შეიტანს.

მოდიმ X-ზე დაწერა, რომ "კონფლიქტი ყველაზე მეტად ბავშვებზე აისახა".

"პრეზიდენტმა ზელენსკიმ და მე პატივი მივაგეთ აფეთქებების შედეგად დაღუპულებს. კონფლიქტი ყველაზე მეტად დამღუპველია ბავშვებისთვის. თანავუგრძნობ დაღუპული ბავშვების ოჯახებს და ვლოცულობ, რომ იპოვონ ძალა და დაძლიონ მწუხარება", — წერს მოდი.



გაიგე მეტი ამ თემაზე: უკრაინაში ინდოეთის პრემიერის ვიზიტს "ისტორიული" უწოდეს