კოალიცია ძლიერი საქართველო - ს ლიდერი, მამუკა ხაზარაძე აცხადებს, რომ ვიქტორ ყიფიანთან შეხვედრისას სამომავლო, მჭიდრო თანამშრომლობაზე შეთანხმდნენ.

„ძლიერ გუნდს სჭირდება კონკრეტული გეგმა, კონკრეტული მიზანი, მიზანზე ყველა შეთანხმებული ვართ, ჩვენ გვჭირდება ევროპული, თანამედროვე, ეკონომიკურად სწრაფად მზარდი და არა მარტო ქვეყანა, ევროპაში სწრაფი ინტეგრაცია და ყველაზე მთავარი, ამ მიზანს სჭირდება კომპეტენტური ხალხი. ამიტომ ჩვენი ნომერ პირველი ამოცანაა, რომ იმ ადამიანების თანხვედრა მოვახდინოთ ამ გეგმის გარშემო, რომლებიც არიან თავისუფლები, არიან პროფესიონალები და მთელი თავიანთი ცხოვრება მიძღვნილი აქვთ თავისი საქმის კეთილსინდისიერად კეთებაზე. "ჯეოქეისთან" და ვიქტორ ყიფიანთან დღევანდელი შეხვედრა მნიშვნელოვანი ნაბიჯია, რომელიც სამომავლოდ კიდევ უფრო მჭიდრო გახდება.“ — ამობობს, მამუკა ხაზარაძე

ანალიტიკური ცენტრი ჯეოქეისი აერთიანებს ექსპერტ-ანალიტიკოსებს მრავალი მიმართულებით, ისინი აქტიურად აქვეყნებენ კვლევით თუ ანალიტიკურ სტატიებს და აქვთ ახლო კავშირები საზღვარგარეთ არსებულ კვლევით ცენტრებთან.

ცნობისთვის, ჯეოქეისის თავმჯდომარე, ვიქტორ ყიფიანი გასულ წელს ბიძინა ივანიშვილის ინტერესებს იცავდა კრედიტ სუისთან წარმოებულ დავაში. შემდეგში მათ ურთიერთობა დაეძაბათ და ვიქტორ ყიფიანი მიმდინარე საქმეს ჩამოაშორეს.