თბილისში, მიუსაფარი ძაღლების ვაქცინაცია მიმდინარეობს. სურსათის ეროვნული სააგენტო და ცხოველთა მონიტორინგის სააგენტო ცოფის საწინააღმდეგო ვაქცინაციას ერთობლივად ატარებენ. ღონისძიება მიზნად ისახავს ცოფის გავრცელების რისკის მინიმუმამდე შემცირებას.

ვეტერინარებმა ამჯერად ვარკეთილის ბინადარი მიუსაფარი ცხოველები აცრეს. ვაქცინაცია მიმკედლებლებთა ჩართულობით ხორციელდება.

ანტირაბიული ვაქცინაცია ცხოველს წელიწადში ერთხელ უტარდება, შესაბამისად რევაქცინაცია წინა აცრის თარიღის გათვალისწინებით ტარდება.

მიუსაფარ ცხოველთა ვაქცინაცია გრძელდება და თბილისის ყველა უბანს მოიცავს.