დღეს, 23 აგვისტოს საქართველოს თავდაცვის მინისტრმა გაერთიანებული სამეფოს ახალ ელჩს, გარეტ უორდს უმასპინძლა.

მინისტრმა ელჩს ახალ თანამდებობაზე დანიშვნა მიულოცა და საქართველოში წარმატებული მისია უსურვა. ირაკლი ჩიქოვანმა, გაერთიანებული სამეფოს წარმომადგენელს საქართველოს ტერიტორიული მთლიანობისა და სუვერენიტეტის მტკიცე მხარდაჭერისთვის, წლების განმავლობაში გაწეული პრაქტიკული დახმარებისთვის მადლობა გადაუხადა.

შეხვედრისას ხაზი გაესვა ბრიტანეთის მნიშვნელოვან წვლილს საქართველოს ნატოში ინტეგრაციის გზაზე. ორივე მხარემ იმედი გამოთქვა, რომ ქვეყნებს შორის თავდაცვის სფეროში კავშირები უფრო განმტკიცდება.

გამართულ შეხვედრას ასევე ესწრებოდნენ მინისტრის მოადგილე პაატა პატიაშვილი, გაერთიანებული სამეფოს თავდაცვის ატაშე საქართველოში, კომანდერი სტივენ ქუანტრილი და გაერთიანებული სამეფოს მრჩეველი თავდაცვის სამინისტროში, ქლერ
ჰენდერსონი.