რუსეთის ფედერაციის პრეზიდენტი, ვლადიმერ პუტინი ჩრდილოეთ ოსეთის შემდეგ, ჩეჩნეთში ჩავიდა. ინფორმაციას Reuters ავრცელებს.

სააგენტო წერს, რომ კადიროვთან ერთად პუტინი სპეცრაზმის მომზადების რუსულ უნივერსიტეტს ეწვია, სადაც უკრაინის წინააღმდეგ ომში საბრძოლველად ძალებს ამზადებენ.

მუსლიმანურ რესპუბლიკაში მოულოდნელი ვიზიტი იმ პერიოდს დაემთხვა, რაც, კურსკში უკრაინელების შეჭრის შემდეგ, მოსკოვი უკრაინული ძალების რუსეთის ტერიტორიიდან განდევნას ცდილობს.

პუტინთან შეხვედრისას ჩეჩნეთის ლიდერმა რამზან კადიროვმა განაცხადა, რომ ჩეჩნეთმა უკრაინაში ომის დაწყებიდან ფრონტის ხაზზე 47 ათასზე მეტი მებრძოლი გაგზავნა, მათ შორის, 19 ათასი მოხალისე. კადიროვის თქმით, ჩეჩნეთს ათობით ათასი გაწვრთნილი და აღჭურვილი მებრძოლისგან შემდგარი რეზერვი ჰყავს, რომელიც მზად არის, „სპეციალური სამხედრო ოპერაციის“ ზონაში დაემართოს.