ამერიკელ მაღალჩინოსანთა დაყრდნობით, ჟურნალისტმა დევიდ იგნატიუსმა The Washington Post-ში სტატია გამოაქვეყნა, რომელიც ახლო აღმოსავლეთში დაძაბულობის გამწვავებას ეხება. ჟურნალისტის თქმით, ირანმა შესაძლოა ისრაელზე თავდასხმა გადაიფიქროს, თუმცა მათი მოკავშირეები ისევ საშიშად გამოიყურებიან და რეგიონში მასშტაბური ომის საფრთხე არ ქრება.

ამის მიზეზად ავტორი, რეგიონში აშშ-ს მიერ სამხედრო ფლოტისა და საჰაერო ძალების გადაყვანა და მობილიზებას ასახელებს.

"ირანს ცხადად ესმის, რომ შეერთებული შტატები საკუთარი თავის, საკუთარი ინტერესების, პარტნიორებისა და ხალხის თავდაცვაში ურყევია. ჩვენ მნიშვნელოვანი სამხედრო შესაძლებლობები რეგიონში გადავისროლეთ, რათა ამ პრინციპისთვის ხაზი გაგვესვა." — უთხრა იგნატიუსს ჯო ბაიდენის ადმინისტრაციის წარმომადგენელმა.

შეგახსენებთ, ირანის გაბრაზება 31 ივლისს "ჰამასის" ლიდერის მკვლელობამ გამოიწვია. თეირანში პირობას დებდნენ, რომ ამისთვის ისრაელს აუცილებლად "დასჯიდნენ". ასევე გააქტიურდნენ ირანის მოკავშირე ჯგუფებიც, რომლებიც ახლო აღმოსავლეთში მოქმედებენ.

ცნობისთვის ირანმა, დახმარება რუსეთსაც სთხოვა.

ვრცლად იხილეთ: NYT: ირანმა რუსეთს სამხედრო დახმარება სთხოვა