დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) დირექტორის მოადგილის, პაატა იმნაძის განცხადებით, აშშ-ს მხრიდან "გარკვეული პროექტების" შეჩერებაზეა საუბარი. — ამის შესახებ მან "ფორმულასთან" ისაუბრა.

კერძოდ, "ფორმულას“ ინფორმაციით, დაავადებათა კონტროლის ეროვნულ ცენტრსა და ლუგარის ლაბორატორიას ამერიკის შეერთებული შტატების ფინანსური დახმარება შეუჩერდა.

„არ შეწყვეტილა, არის რაღაც პროექტები, რაზეც [შეჩერებაზეც] არის ლაპარაკი“, – განუცხადა იმნაძემ "ფორმულას“.

თუმცა იმნაძე არ აკონკრეტებს რა პროექტებზეა საუბარი და ამბობს, რომ "ჯერ ვერაფერს იტყვის".

თემასთან დაკავშირებით, NEWS.On.ge დაავადებათა კონტროლის ცენტრთან დაკავშირებას ცდილობს. მათგან პასუხის მიღების შემთხვევაში მასალა განახლდება.