Edison Research-ის საზოგადოებრივი აზრის გამოკითხვის შედეგებით, რომელსაც ტელეკომპანია ფორმულა აქვეყნებს, კითხვაზე, ხვალ რომ საპარლამენტო არჩევნები ტარდებოდეს, რომელ პარტიას მისცემდით ხმას, შედეგები ასე ნაწილდება ალოკაციით, შეწონვის მეთოდით:

  • ქართული ოცნება/ხალხის ძალას 32.4% უჭერს მხარს;
  • ერთიანობა: ნაციონალური მოძრაობა/სტრატეგია აღმაშენებელს 17.3%;
  • ძლიერი საქართველო: ლელო/ხალხისთვის/თავისუფლების მოედანს 12.8%;

ასევე, კვლევის მიხედვით, პარტიას საქართველოსთვის — გიორგი გახარია 11.2% აქვს, ხოლო კოალიცია ცვლილებებისთვის ახალი/გირჩი — მეტი თავისუფლება/დროა – 9.9%.

ამავე კვლევის მიხედვით, გირჩი — იაგო ხვიჩიას 5.2% აქვს, ლეიბორისტულ პარტიას 3.3%, პატრიოტთა ალიანსსა და ალტ ინფოს 2.6%, მოქალაქეებს კი — 2.2%.

1.9% აქვს ევროპულ საქართველოს, სამართლიანობისთვის — ეკა ბესელიას 0.9%, ხოლო სხვა პარტიებს ასახელებს 0.4%.

საზოგადოებრივი აზრის გამოკითხვა ტელეკომპანია ფორმულას დაკვეთით საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი.

შესაძლო ცდომილება არის +/–2.5% საქართველოს მასშტაბით და +/– 2.5 % თბილისისთვის, 95%-იანი ნდობის ინტერვალისთვის. საველე სამუშაოები მიმდინარეობდა 11-24 ივლისის შუალედში.