ვიდრე საქართველოში მცხოვრები გეი ადამიანების დისკრიმინაციის, შეუმწყნარებლობისა და მათ მიმართ ჰომოფობიური დამოკიდებულების ფაქტები არ იკლებს, ამასობაში რეჟისორებმა ბეტ დეივიდმა და ესტებან ბრავომ ახალი მოკლემეტრაჟიანი ანიმაციური ფილმი შექმნეს. Heartbeat, ასე ჰქვია ფილმს, რომელიც ზუსტად იმაზეა, რომ სიყვარული არის სიყვარული და მას არ სჭირდება ზედმეტი იარლიყები.

ანიმაციური ფილმის მთავარი პერსონაჟი კოლეჯის მოსწავლე ბიჭია, რომელსაც მისივე თანაკურსელი ბიჭი მოსწონს, მისი დანახვისას გული უჩქარდება და ცქმუტავს, თუმცა თქმას ვერ უბედავს.

საბოლოო ჯამში, ისევე როგორც, თითქმის ყველა სასიყვარულო ისტორიას, მათ ამბავსაც ბედნიერი დასასრული აქვს.

ანიმაციური ფილმი მალევე გახდა პოპულარული და ერთ დღეში მილიონ ნახვაზე მეტი დააგროვა. Heartbeat აქტუალურია ტვიტერსა და ფეისბუქზეც, Human Rights-მა კი გადაწყვიტა, რომ ანიმაციას საკუთარი კამპანიების დროს აქტიურად გამოიყენებს.

თქვენ კი გახსოვდეთ, რომ სიძულვილზე უფრო მარტივი სიყვარულია და არაფერია იმაზე მნიშვნელოვანი, როცა ადამიანებს ერთმანეთი უყვართ.